Kryeministri Edi Rama ka ndarë në Facebook një video nga aksioni që po zhvillohet prej disa ditësh për lirimin e hapësirave publike të zaptuara nga bizneset në Tiranë dhe rrethe.
Në pamje shihen subjektet tregtare që po çmontojnë hekura dhe xhama të vendosura pa leje.
Në postim ai shkruan: “Iku dhe treni… Vazhdojmë!”, duke treguar se aksioni do të vijojë derisa të hiqen të gjitha strukturat e paligjshme.
Ky aksion ka nisur prej rreth një muaji në gjithë vendin dhe ka ndarë opinionin e qytetarëve, disa e mbështesin ndërsa të tjerë janë kundër.
