Policia e Tiranës ka arrestuar dy vëllezër, pas një konflikti ku është përdorur armë zjarri për të kanosur një person. Ledio 27 vjeç dhe Ronaldo Matranxhi 25 vjeç gjatë një konflikti tek “Kthesa e Kamzës” kanë kanosur me armë zjarri 32-vjeçarin me iniciale A.R.
Gjatë kontrollit në banesën e 27-vjeçarit, policia sekuestroi armën e zjarrit, municion luftarak dhe automjetin e përdorur në ngjarje, të cilat do të shërbejnë si prova materiale në hetim.
Ndërsa materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
