Federata Shqiptare e Futbollit njofton se nga kjo e mërkurë nis shitja online e biletave për ndeshjen Shqipëri-Letoni, e vlefshme për kualifikueset e Kampionatit Botëror 2026.
Takimi do të zhvillohet më 9 shtator në stadiumin “Air Albania” në orën 20:45.
Biletat mund të blihen vetëm online, duke u regjistruar në platformën zyrtare dhe duke ndjekur udhëzimet për zgjedhjen e tribunës dhe ulëseve.
FSHF bën me dije se për shkak të sjelljeve të papërshtatshme të disa tifozëve në ndeshjet e kaluara, sektorët N101, N102, N103, N104, N105, S102, S103, S104, V101 dhe V102 do të qëndrojnë të mbyllur, sipas vendimit të FIFA-s.
