Presidenti Volodymyr Zelensky ka reaguar pas lajmit për takimin e pritshëm mes Donald Trump dhe Vladimir Putin në Alaskë, duke theksuar se Ukraina nuk do të pranojë asnjë marrëveshje që prek territorin e saj.
“Ne nuk i japim çmime Rusisë për agresionin.
Kushtetuta jonë e thotë qartë toka jonë nuk negociohet,” tha Zelensky.
Ai paralajmëroi se çdo vendim që merret pa përfshirjen e Ukrainës është një vendim kundër paqes dhe i pazbatueshëm në praktikë.
Presidenti ukrainas shtoi se vendi i tij është i gatshëm për marrëveshje reale që sjellin paqe, por jo në kurriz të sovranitetit territorial.
