Arrestohet ish-kryetari i Federatës së Futbollit të Maqedonisë, Muhamet Sejdini, nën dyshimet për keqpërdorim të mjeteve financiare në vlerë prej rreth 700 mijë euro.
Fondet dyshohet se janë siguruar nga UEFA dhe kanë qenë të destinuara për zhvillimin e futbollit. Prokuroria po shqyrton mënyrën e menaxhimit dhe shfrytëzimit të tyre.
Dyshimet lidhen me fonde të planifikuara për ndërtimin e një tribune në Ohër, për të cilat ekziston indikacion se mund të jenë shpenzuar në mënyrë të kundërligjshme.
