Presidenti francez Emmanuel Macron ka theksuar se nuk mund të ketë zgjidhje për Ukrainën pa përfshirjen e vetë ukrainasve në procesin vendimmarrës. Në një postim në rrjetin X, Macron u shpreh se populli ukrainas ka luftuar për lirinë e tij prej më shumë se tre vitesh dhe meriton të jetë në qendër të çdo marrëveshjeje.
Ai shtoi se edhe siguria e Evropës është e lidhur ngushtë me këtë konflikt, ndaj vendet evropiane duhet të jenë pjesë aktive e zgjidhjes.
Deklarata erdhi pas një takimi të zhvilluar me presidentin ukrainas Volodymyr Zelensky, kancelarin gjerman Friedrich Merz dhe kryeministrin britanik Keir Starmer, ku u rikonfirmua mbështetja për Ukrainën dhe puna e përbashkët brenda Koalicionit të Vullnetshmëve.
