Shqipëria po përjeton një ditë përvëluese me mot të kthjellët dhe temperatura shumë të larta në të gjithë vendin.
Termometri pritet të ngjitet deri në 41°C në orët e pasdites, veçanërisht në zonat e ulëta dhe bregdetare.
Nuk parashikohen reshje, ndërsa era do të jetë e lehtë.
Moti mbetet i nxehtë edhe në mbrëmje, duke sjellë net të ngrohta dhe me pak freski.
Kujdes i veçantë rekomandohet për të moshuarit dhe fëmijët, si dhe shmangia e ekspozimit në diell gjatë orëve të pikut.