Meksika ka deklaruar se nuk do të lejojë që Shtetet e Bashkuara të hyjnë në territorin e saj. Kjo vjen pas lajmeve se presidenti Trump kishte udhëzuar Pentagonin të godasë kartelet e drogës në Amerikën Latine.
“Shtetet e Bashkuara nuk do të vijnë në Meksikë me ushtrinë e tyre. Ne bashkëpunojmë dhe bashkëveprojmë me ta, por nuk do të lejojmë një pushtim. Ky opsion përjashtohet”, deklaroi presidentja Claudia Sheinbaum.
Ajo tha se qeveria meksikane ishte informuar për nënshkrimin e këtij urdhri, por theksoi se ai nuk përfshin angazhimin e ushtrisë.
“Ushtria nuk është pjesë e asnjë marrëveshjeje. Përkundrazi, sa herë që është propozuar, ne kemi thënë gjithmonë jo”, tha ajo.
