Policia e Kosovës ka shpallur në kërkim Mefail Shkodrën i dyshuar për vrasjen e trefishtë në Gjilan. Shkodra është i njohur për autoritetet, pasi një vit më parë ai është arrestuar për fajde.
Policia ka publikuar fotografinë e të dyshuarit dhe kërkon nga qytetarët që, në rast se kanë ndonjë informacion lidhur me vendndodhjen e tij, të lajmërojnë autoritetet menjëherë.
“Lajmroni Policinë e Kosovës në stacionin më të afërt policor apo përmes aplikacionit digjital “Lajmëro Policinë’’, E-mail: [email protected] dhe numrat kujdestarë:192; 03850807001. Të dhënat e juaja do të ruhen në konfidencialitet të plotë”, thuhet në njoftim.
