Klubi i Flamurtarit ka reaguar zyrtarisht lidhur me përjashtimin e futbollistit Lorenc Trashi, pas ndeshjes së fundit kundër Bylisit, ku ai u dyshua se ndikoi në dhënien e një penalltie në favor të skuadrës kundërshtare.
Sipas vendimit të klubit, i publikuar në rrjetet sociale, pezullimi i Trashit është një masë e përkohshme. Flamurtari thekson se paraqitja e futbollistit gjatë takimit me Bylisin nuk përputhej me standardet e kërkuara dhe objektivat e përcaktuara nga klubi.
Klubi njoftoi se do të vijojë hetimet dhe do të marrë vendimet e mëtejshme pas analizës së plotë të situatës.
