Javën e kaluar në Olmedo, Itali, një djalë 4-vjeçar humbi jetën pasi u gjet pa ndjenja në makinën e familjes së tij, e parkuar nën diellin përvëlues. Në fillim 4-vjeçari u shtrua në repartin e terapisë intensive në spitalin Santissima Annunziata në Sassari.
Më pas, më 8 gusht ai u transportua me helikopter drejt spitalit Gemelli në Romë, ku ndërroi jetë.
Hetimet për ngjarjen janë ende në vazhdim nga Karabinieria. Dyshohet për goditje nga i nxehti (heatstroke), shkaku zyrtar i vdekjes ende nuk është konfirmuar. Ndërsa dosja e hetimeve i është kaluar Prokurorisë Publike të Romës.
