Mali i Zi po lufton ende me zjarret dhe njëri prej vatra po afrohet drejt kryeqytetit.
“Të gjitha objektet që u kërcënuan mbrëmë janë aktualisht nën mbrojtje”, tha drejtori i përgjithshëm i Drejtorisë së Mbrojtjes dhe Shpëtimit, Miodrag Besoviq.
Ai tha se zjarrfikësit nga Tivati, Kotori, Herceg Novi, Danilovgradi, Cetinja, Berana, Zhabljaku, Plevlja dhe Bijelo Polja mbërritën në Podgoricë. Gjithashtu u shpreh se shuarja e zjarrit po vështirësohet për shkak të erës së fortë.
Mali i Zi ka kërkuar ndihmë nga vendet fqinje si dhe ndihmë ndërkombëtare për të shuar zjarrin nga ajri.
