Mesditën e sotme një 80-vjeçar ka ndezur zjarr në kopshtin e banesës së tij në fshatin Kullollas. Zjarri ka dalë jashtë kontrolli dhe është përhapur masivisht, në disa fshatra të rrethit të Gramshit.
Dyshohet se si pasojë e asfiksimit, 80-vjeçari ka humbur jetën. Menjëherë kanë shkuar shërbimet e Policisë, të Zjarrfikëses dhe të Emergjencave Civile kanë shkuar menjëherë në zonë, ku po punojnë intensivisht për shuarjen e zjarrit.
Gjithashtu ka nisur evakuimi i banorëve të fshatrave në të cilat janë përhapur flakët.
Ndërsa grupi hetimor, në drejtimin e Prokurorisë, po heton për të zbardhur dhe dokumentuar shkakun e zjarrit dhe rrethanat e tjera të rastit.
