Një zjarr ka shpërthyer që në orët e para të mëngjesit në Kefalonia në Greqi. Zjarri shpërtheu pranë nënstacionit qendror të PPC-së.
Për shkak të zjarrit pati edhe ndërprerje të përkohshme të energjisë elektrike në pjesën qendrore të ishullit për arsye sigurie.
Sipas presidentit të Komunitetit të Faraklatës, Evangelos Marinakis, zjarri tani është nën kontroll.
“Për momentin, zjarri është vënë në kontroll të konsiderueshëm, kemi vetëm rishfaqje të vogla që po monitorohen nga Departamenti i Zjarrfikësve dhe nuk ka arsye për shqetësim”, tha ai për ERTNews.
