Mbretëria e Bashkuar ka rikonfirmuar mbështetjen e saj të palëkundur për Ukrainën, duke përjashtuar çdo mundësi ndryshimi të kufijve të saj me forcë.
“Mbështetja jonë për Ukrainën është e palëkundur. Kufijtë ndërkombëtarë nuk duhet të ndryshohen me forcë dhe Ukraina duhet të ketë garanci të fortë e të besueshme sigurie për të mbrojtur integritetin e saj territorial si pjesë e çdo marrëveshjeje”, thuhet në deklaratën zyrtare.
Gjithashtu Mbretëria e Bashkuar ka konfirmuar se Evropa është gati të mbështesë këtë iniciativë dhe do të vazhdojë të punojë krah Trump-it dhe Zelenskyt për një paqe të drejtë e të qëndrueshme në Ukrainë.
