Para nisjes së finales së Superkupës së Europës mes PSG dhe Tottenham, në stadiumin “Dacia Arena” në Itali, futbollistët dhe fëmijët që i shoqëronin mbajtën një banderolë me mesazhin: “STOP KILLING CHILDREN. STOP KILLING CIVILIANS”.
Ky akt i pazakontë për një event të tillë sportiv u interpretua gjerësisht si një thirrje kundër dhunës ndaj civilëve, veçanërisht fëmijëve, në konfliktet e fundit.
Edhe pse UEFA nuk specifikoi asnjë vend apo situatë të caktuar, mesazhi u përshëndet nga publiku dhe ngjalli diskutime në rrjetet sociale, ku shumë e lidhën me zhvillimet në Lindjen e Mesme.
Ky ishte një moment i rrallë ku sporti dërgon një mesazh human, përtej rezultatit në fushë.
