Para takimit mes Trump dhe Putin në Alaska, presidenti ukrainas Volodymyr Zelensky deklaroi se “Ukraina mbështetet tek Amerika”, duke theksuar se samiti i sotëm është “me rrezik të lartë” dhe duhet të çojë drejt një paqeje të drejtë përmes një formati trepalësh: Ukrainë–SHBA–Rusi.
Ai shtoi se Kievi po dërgon përforcime për të ndalur avancimin rus në Donetsk dhe Zaporizhzhia, rajone që pritet të jenë në qendër të diskutimeve.
Zelensky përfundoi mesazhin e tij me thirrjen që Rusia të ndërmarrë “hapat e nevojshëm” për t’i dhënë fund luftës.
