Liderët e Bashkimit Europian kanë shprehur mbështetje për përpjekjet e presidentit amerikan, Donald Trump, për të arritur një paqe të qëndrueshme në Ukrainë pas takimit të tij me presidentin rus, Vladimir Putin.
Ata theksuan rëndësinë e bisedimeve të mëtejshme, duke përfshirë edhe presidentin ukrainas, Volodymyr Zelensky, për të siguruar sovranitetin dhe integritetin territorial të Ukrainës.
BE-ja gjithashtu kërkoi që Ukraina të ketë garanci sigurie dhe të mund të bashkëpunojë me shtete të tjera pa kufizime. Kryediplomatja e BE-së, Kaja Kallas, theksoi se fuqia për të detyruar Rusinë të negociojë seriozisht është në duar të SHBA-ve.
