Në takimin e zhvilluar në Shtëpinë e Bardhë mes presidentëve Donald Trump, Volodymyr Zelensky, dhe liderëve të tjerë të Bashkimit Europian, Kryeministrja italiane Giorgia Meloni theksoi se arritja e një marrëveshjeje paqeje është thelbësore për të siguruar stabilitetin e Ukrainës dhe të mbarë Evropës.
“Nëse duam të garantojmë paqen, duhet ta bëjmë së bashku, të bashkuar. Mund të mbështeteni te Italia, sepse jemi në anën e Ukrainës dhe do të mbështesim të gjitha përpjekjet e saj drejt paqes,” u shpreh Meloni gjatë fjalës së saj.
Ajo e konsideroi këtë takim si një moment të rëndësishëm, duke shtuar se një zgjidhje paqësore do të ishte në interes të të gjitha palëve dhe do të kontribuonte në ruajtjen e sigurisë dhe stabilitetit në rajon.
