Ministri i Jashtëm rus, Sergei Lavrov, deklaroi se Rusia duhet të jetë pjesë e çdo diskutimi ndërkombëtar për garancitë e sigurisë së Ukrainës.
Gjatë një vizite në Jordani, Lavrov kritikoi diplomacinë evropiane si një përpjekje të dështuar për të bindur Donald Trump dhe theksoi se diskutimet pa përfshirjen e Rusisë janë “rrugë pa krye”.
Ai shtoi gjithashtu se Kina duhet të jetë një nga garantuesit e sigurisë për Ukrainën – një ide e propozuar më herët nga Moska në negociatat e vitit 2022.
Kievi pritet ta shohë këtë propozim me skepticizëm, për shkak të lidhjeve të ngushta mes Pekinit dhe Kremlinit.
