Presidenti Bajram Begaj ka uruar Albulena Haxhiun, e cila sot u zgjodh kryetare e Kuvendit të Kosovës në Legjislaturën e X.
“Urime, znj. Albulena Haxhiu, për zgjedhjen Kryetare e Kuvendit”, shkroi ai në rrjetet sociale.
Më tej, Begaj bën me dije se Shqipëria do të vijojë të qëndrojë pranë Kosovës.
“Shqipëria do të vijojë të qëndrojë pranë Kosovës, në mbështetje të institucioneve demokratike të saj dhe rrugëtimit Euroatlantik”, shkroi Begaj.
Kuvendi i Kosovës mbajti këtë të mërkurë, 11 shkurt seancën konstituive, e cila shënon hapin e parë drejt formimit të institucioneve të reja.
Me 66 vota pro, 44 kundër dhe 8 abstenim deputetët zgjodhën Albulena Haxhiun si kryetare të re të Kuvendit.
