Tre italianë të kërkuar me urdhër-arrest europian janë arrestuar në Ibiza, ishullin spanjoll të njohur për turizmin.
Ata dyshohet se janë anëtarë të organizatës kriminale Ndrangheta dhe të përfshirë në trafik ndërkombëtar droge.
Njëri prej tyre ishte gjithashtu nën hetim për sulm dhe rezistencë ndaj një zyrtari policor.
Arrestimet erdhën në kuadër të operacionit të koduar “ANEMONE”, i zhvilluar nga ROS në Itali dhe Shqipëri më 8 korrik, ku u arrestuan gjithsej 24 persona.
Operacioni u koordinua nga Prokuroria e Romës në bashkëpunim me Eurojust dhe u mbështet nga policia spanjolle dhe Interpol, në kuadër të projektit ndërkombëtar “I CAN” kundër mafias kalabreze.
