Presidenti ukrainas Zelensky tha se një takim me Putinin do të ishte i mundur pasi të përcaktohen boshtet kryesore të marrëveshjes me Perëndimin mbi garancitë e sigurisë për Ukrainën. Deklaratat e tij u bënë dje para një grupi gazetarësh në Kiev dhe ishin “të pezulluara” deri në mëngjesin e sotëm.
“Ne jemi gati. Po sikur rusët të mos jenë gati?”
“Ne duam të arrijmë një mirëkuptim mbi strukturën e garancive të sigurisë brenda shtatë deri në dhjetë ditësh. Dhe bazuar në këtë bazë të përbashkët, kemi ndërmend të organizojmë një takim trepalësh” në të cilin do të marrë pjesë edhe presidenti i SHBA-së, sqaroi ai.
Volodymyr Zelensky tha gjithashtu se do të donte të shihte një “reagim të fortë” nga Uashingtoni nëse presidenti rus nuk dëshiron të zhvillojë një takim dypalësh me të. Ai shtoi se nuk është e qartë se çfarë lëshimesh do të ishte e gatshme të bënte Moska.
“Unë iu përgjigja menjëherë një propozimi për një takim dypalësh: ne jemi gati. Po sikur rusët të mos jenë gati?” tha ai. “Nëse rusët nuk janë gati, ne do të donim të shihnim një përgjigje të fortë nga Shtetet e Bashkuara.
