Ngjarja tragjike në Volos të Greqisë merr përmasa edhe më të rënda. Një 36-vjeçare shqiptare u vra me thikë nga bashkëshorti i saj 40-vjeçar, në prani të fëmijëve të tyre.
Njëri prej tyre ka dhënë një dëshmi tronditëse për autoritetet: “E pashë babain duke e vrarë nënën me thikë.”
Krimi ndodhi pas një sherri që nisi në banesë dhe vazhdoi në hyrje të pallatit. Autori, i cili dyshohet se është përdorues droge, është ende në arrati.
Sipas mediave greke, nuk kishte histori të mëparshme dhune në familje.
Autoritetet greke po vijojnë kërkimet për kapjen e tij.
