Presidenti amerikan Donald Trump ka rikthyer idenë për të ndryshuar emrin e Departamentit të Mbrojtjes, duke propozuar rikthimin te emri historik “Ministria e Luftës”.
Në një takim me presidentin e Koresë së Jugut, Trump tha se “duam mbrojtje, por duam edhe sulm”, duke argumentuar se emri aktual është produkt i “korrigjimit politik”.
Megjithatë, historianët dhe dokumentet zyrtare e hedhin poshtë pretendimin e Trump, duke sqaruar se ndryshimi i emrit në vitin 1949 erdhi si pjesë e një reforme madhore pas Luftës së Dytë Botërore, për të unifikuar komandën ushtarake amerikane dhe për të shmangur luftërat agresive.
Çdo ndryshim i mundshëm i emrit do të kërkonte miratim nga Kongresi.
