Në prag të fillimit të vitit të ri shkollor Kryeministri Edi Rama njoftoi se kanë nisur punimet për të rritur sigurinë pranë shkollave që ndodhen përgjatë rrugëve.
Ai bëri të ditur se ndërhyrjet përfshijnë vendosjen e vijave të bardha, semaforëve dhe ndërtimin e mbikalimeve për të garantuar kalimin e sigurt të nxënësve.
“Paralelisht me përgatitjet për materialet mësimore, po bëhen edhe ndërhyrjet e nevojshme për rritjen e sigurisë rrugore pranë të gjitha shkollave që janë anës rrugës, ku fëmijët kalojnë çdo ditë për të ndjekur orët mësimore,” shkruan Rama në një postim.
