Deputetja e PD-së, Jorida Tabaku, ka reaguar pas deklaratave të qeverisë për menaxhimin e mbetjeve duke e cilësuar si ironike kthimin e mazhorancës te modeli i Landfill-it, i propozuar nga Partia Demokratike që në vitin 2013.
Sipas Tabakut, qeveria hodhi poshtë atë strategji për t’i hapur rrugë koncesioneve korruptive të inceneratorëve, që kanë kushtuar 430 milionë euro dhe nuk kanë dhënë asnjë rezultat.
“Pas 12 vitesh me plehra të djegura dhe kontrata korruptive, qeveria flet sot me gjuhën e opozitës,” deklaroi ajo.
Ajo shtoi se projektet e dështuara nuk mund të jenë baza e integrimit europian dhe kërkoi politika konkrete që shërbejnë interesit publik.
“Shqipëria ka nevojë për politika që e afrojnë me BE-në, jo për koncesione që mbushin xhepat e politikanëve,” u shpreh Tabaku.
