Demokrati Klevis Balliu ka kërkuar me forcë heqjen e titullit “Qytetar Nderi” që i është akorduar George Sorosit një nga figurat më të diskutuar dhe kontestuara ndërkombëtarisht.
Balliu ka mbështetur kërkesën e tij me deklaratat e Donald Trump, i cili e ka quajtur Sorosin “armik të demokracisë”.
Në një deklaratë për media, Balliu theksoi se është “e padenjë dhe sfiduese” që Sorosi të mbajë këtë titull në Shqipëri, duke i referuar gjithashtu kërkesës së administratës Trump për hetimin e Sorosit dhe djalit të tij mbi bazën e ligjit RICO, që përdoret për organizata kriminale.
Ai e cilësoi këtë si një “titull korruptiv” dhe kërkoi që ai të hiqet menjëherë, duke e lidhur këtë me nevojën për hetime nga FBI mbi aktivitetet e Sorosit në Shqipëri.
