Moti i keq që ka goditur Tiranën dhe disa qarqe të tjera të vendit ka shkaktuar dëme materiale dhe pasojë në shëndetin e qytetarëve.
Në spitalin e Traumës janë paraqitur 20 persona të dëmtuar si pasojë e stuhisë që goditi kryeqytetin në një kohë të shkurtër.
Prej tyre, 10 persona janë ende nën kujdesin mjekësor për trajtim të specializuar, ndërsa pjesa tjetër ka marrë shërbim dhe është larguar për në shtëpi.
Dëmet materiale janë të shumta, duke përfshirë rrëzimin e pemëve dhe dëmtimin e objekteve të ndryshme.
