Aktori dhe regjisori Mevlan Shanaj ka reaguar pas ndarjes nga jeta të ikonës së kinematografisë shqiptare, Dhimitër Anagnosti.
Në një postim në rrjetet sociale, Shanaj e cilëson Anagnostin si “maja e arritjeve artistike të ekranit shqiptar” dhe “mjeshtër i ndërtimit të karaktereve shqiptare”.
Ai shprehet se kinemaja shqiptare ka humbur një figurë të pazëvendësueshme, duke e përshkruar Anagnostin si një artist të rrallë, që i ka lënë brezave një trashëgimi të pasur kulturore.
Në fund, Shanaj shpreh ngushëllimet për familjen, duke theksuar se Shqipëria sot është më e varfër pa të.
