Në Kosovë, nxënësit e të gjitha niveleve shkollore rikthehen sot në bankat e shkollës për vitin e ri shkollor 2025/26.
Ministria e Arsimit, Shkencës, Teknologjisë dhe Inovacionit (MAShTI) ka nisur pagesat për subvencionimin e materialeve mësimore, me mbi 9.6 milionë euro të ekzekutuara për 120,425 aplikues.
Në total, janë pranuar 183,226 aplikime për furnizim me tekste dhe materiale mësimore.
Procesi i aplikimit mbetet i hapur për të siguruar përfshirjen e të gjithë nxënësve, në mënyrë që asnjë prej tyre të mos mbetet pa materialet e nevojshme për këtë vit shkollor.
