Presidenti turk Recep Tayyip Erdogan deklaroi se pas bisedave të veçanta telefonike me Vladimir Putin dhe Volodymyr Zelensky ka kuptuar se të dy liderët nuk janë ende gati për një takim të drejtpërdrejtë mes tyre.
Nga samiti i Organizatës së Bashkëpunimit të Shangait Erdogan tha se të dy palët kanë pasur një qasje pozitive ndaj rifillimit të procesit të paqes në Stamboll, por mungon ende gatishmëria për një përballje të drejtpërdrejtë.
Pak ditë më parë edhe Donald Trump u shpreh skeptik për një takim Putin-Zelensky, por shtoi se mund të ndërmjetësojë vetë në një takim trepalësh.
