Kryetari i PD-së, Sali Berisha mori pjesë sot në homazhet në nderim të regjisorit Dhimitër Anagnosti.
“Një kolos i vërtetë, Dhimtër Anagnosti, ishte një prej krijuesve, regjisorëve, skenaristëve, shkrimtar më të shquar të vendit.
Lë një trashëgimi, në të cilën ai do të jetojë për jetë të jetëve. Anagnosti ishte i pamëshirë në kërkim të pësosmërisë artistike të veprës së tij.
Ai që në vitet ’90 u angazhua në mbështetje të përmbysjes së diktaturës. Në dy legjislatura ishte deputet i PD-së dhe ministër Kulture.
Një personalitet i rrallë që do të mbahet mend gjithmonë në memorien e kombit” tha ai.
