Aktorja e njohur Marjana Kondi ishte ndër të parat që bëri homazhe në nderim të regjisorit të madh Dhimitër Anagnosti.
Me emocione dhe mirënjohje, ajo ndau kujtime të çmuara nga bashkëpunimi me të dhe vlerësoi figurën e tij si një nga njerëzit më të rëndësishëm të artit shqiptar.
Kondi theksoi se ishte me fat që e kishte njohur nga afër dhe se do ta kujtojë gjithmonë me respekt të thellë.
“Lum ai që ikën me dinjitet. Profesor Anagnosti, kolosi i artit shqiptar. Kam qenë me fat që kam qenë mikja e tij. Gjithkush duhet të dijë një gjë që në këtë botë kur të shkosh duhet të shkosh me dinjitet. Mbaj mend korrektesën e tij, humorin e bukur që kishte. Sot duhet të vija 10 minuta përpara ashtu siç donte në set. Jam me fat, kam mësuar shumë nga ai. Ishte i mrekullueshëm. Ai do të prehet në botën e vërtetë me dinjitet.”
