Presidenti i SHBA-së, Donald Trump, shprehu optimizëm për përfundimin e luftës me Iranin, duke theksuar se Shtetet e Bashkuara janë të bindura se do të dalin fituese.
Në një intervistë për Fox News, Trump theksoi se Uashingtoni mbetet i hapur për bisedime me Teheranin dhe i bëri thirrje atij të kontaktojë nëse dëshiron të negociojë.
“Nëse Irani dëshiron të flasë, mund të na telefonojë”, tha Trump, duke shtuar se komunikimi mund të realizohet edhe përmes telefonit. Ai gjithashtu kritikoi NATO-n për qëndrimin e saj në këtë çështje dhe u shpreh se Mbretëria e Bashkuar ka premtuar të dërgojë anije pas përfundimit të luftës, një qëndrim që ai e quajti “të papranueshëm”.
