Presidenti i Izraelit, Isaac Herzog do të takohet të enjten në Vatikan me Papa Leon. Vizita njëditore do të realizohet me ftesë të vetë Papës, sipas një deklarate zyrtare të publikuar sot nga zyra e Presidentit Herzog.
Gjatë vizitës Herzog do të zhvillojë takim edhe me sekretarin e shtetit të Vatikanit, kardinalin Pietro Parolin, ndërsa do të vizitojë gjithashtu Arkivat dhe Bibliotekën e Vatikanit, thuhet në të njëjtin njoftim.
Temat kryesore të diskutimit do të jenë përpjekjet për lirimin e pengjeve të mbajtura në Gaza, lufta kundër antisemitizmit global, mbrojtja e komuniteteve të krishtera në Lindjen e Mesme si dhe çështje të tjera me natyrë politike dhe diplomatike.
