Detaje të reja janë zbuluar në lidhje me vrasjen e Fatos Cenajt në 8 qershor. Cenaj u gjet duke vdekur në Via Casoni Basse në Fontaniva, i qëlluar në kokë dhe vdiq tri ditë më vonë.
Hetimet zbulojnë se i dyshuari, një fqinj italian e planifikoi të gjithë planin deri në detajet e fundit, që nga automjeti i përdorur për të arritur në vendin e vrasjes, një biçikletë për male dhe deri te veshja e tij.
Një fqinj, një italian dyzetvjeçar, me të cilin Cenaj debatonte shpesh, është akuzuar për vrasje me dashje. Debatet përfshinin kufijtë e pronës së tyre dhe instalimin e kamerave të mbikëqyrjes me video.
Fqinji e kishte pritur Cenajn përgjatë rrugës së zakonshme për në fermën ku ai punonte. Më pas e ka qëlluar Cenajn me një plumb që e goditi në kokë. Vrasësi i dyshuar më pas pastroi vendin e ngjarjes, duke asgjësuar gëzhojat dhe iku. Ndërkohë po pritet raporti balistik nga balistika e Parmës, bazuar në plagët e gjetura.
