Policia e Durrësit, në bashkëpunim me Forcën e Posaçme Operacionale të Policisë së Shtetit, finalizoi operacionin policor të koduar “Night In”, duke arrestuar Rando Muratajn, 25 vjeç, banues në Shijak.
Ai ishte shpallur në kërkim ndërkombëtar nga Interpol Tirana pas vendimit të Gjykatës së Breshias në Itali, e cila kishte caktuar masën e sigurisë “Arrest në burg” për veprën penale “Trafikimi i narkotikëve”.
Procedurat për ekstradimin e tij në Itali do të kryhen nga Interpol Tirana dhe Interpol Roma.
