Sot në Gjykatën Themelore të Prishtinës nis seanca e parë ndaj Faton Klinakut, i akuzuar për kanosje ndaj kryeministrit Albin Kurti.
Aktakuza thotë se më 30 gusht 2023 Klinaku dhe një tjetër person kanë kërcënuar Kurtin përmes rrjeteve sociale, përfshirë një mesazh ku thuhej: “Më parë e vras A.K. sesa t’ia lëshoj rrugën dhe të iki nga Kosova.”
Klinaku, anëtar i Organizatës së Veteranëve të UÇK-së, ka thënë se mezi pret të përballet në gjykatë me Kurtin.
Në seancë do shqyrtohet vlefshmëria e aktakuzës dhe do vendoset për vijimin e procesit.
