Izraeli ka refuzuar kërkesën e presidentit francez Emmanuel Macron për një vizitë zyrtare, në kundërshtim me planin e Francës për të njohur shtetin palestinez.
Ministri i Jashtëm izraelit, Gideon Saar, e cilësoi vizitën të papërshtatshme për sa kohë Parisi mbështet nisma që, sipas tij, dëmtojnë interesat izraelite.
Saar theksoi se njohja e Palestinës rrezikon sigurinë e Izraelit dhe deklaroi se presidenti palestinez Mahmoud Abbas nuk është partner i besueshëm për dialog.
Më herët, edhe kryeministri Netanyahu kishte refuzuar takimin me Macron para Asamblesë së OKB-së.
Macron ka kërkuar armëpushim të menjëhershëm në Gaza dhe ka njoftuar mbështetjen për njohjen zyrtare të Palestinës, ndërkohë që Izraeli përballet me presion ndërkombëtar për rritjen e ndihmës humanitare në Gaza, ku nga tetori 2023 raportohen mbi 64,000 të vrarë.
