Moska ka reaguar pas sulmit të dronëve rusë në hapësirën ajrore në Poloni. I ngarkuari i përkohshëm me punë i Rusisë në Poloni mohon pretendimet se dronë rusë kanë hyrë në hapësirën ajrore polake.
“Ne besojmë se këto pretendime janë të pabaza. Nuk ka asnjë provë që këta dronë janë me origjinë ruse”, thotë Andrey Ordash për agjencinë shtetërore ruse të lajmeve RIA Novosti.
Ai i tha agjencisë se është thirrur nga ministria e jashtme polake në lidhje me këtë çështje.
