Presidenti i Ukrainës, Volodymir Zelensky me një postim në rrjetin e tij X ka reaguar lidhur me sulmet ruse gjatë natës së fundit, duke thënë se Moska nuk respekton armëpushimin e shpallur për datat 8 dhe 9 maj, me rastin e Ditës së Fitores në Rusi.
Sipas Zelenskyt, deri në orën 07:00 të mëngjesit ishin regjistruar më shumë se 140 sulme ndaj pozicioneve ukrainase në vijën e frontit. Ai bëri të ditur se gjatë natës forcat ruse kishin kryer 10 ofensiva, shumica prej tyre në sektorin e Slovyanskut.
Reagimi i Zelenskyt
Siç kemi bërë gjatë 24 orëve të fundit, edhe sot Ukraina do të përgjigjet me të njëjtën monedhë. Rusia duhet ta ndalë luftën dhe të gjithë do ta kuptojnë këtë kur të nisin hapat e parë drejt paqes.
