Qeveria e re e prezantuar nga kryeministri Edi Rama sjell një përbërje të re me emra të rinj.
Për herë të parë, Ministria e Brendshme drejtohet nga një grua, Albana Koçiu, e cila më parë ishte ministre e Shëndetësisë.
Një tjetër risi është ministrja digjitale Diella, e para në administratën shqiptare. Kabineti ka një përfaqësim të barabartë gjinor, me tetë gra dhe tetë burra, dhe përfshin pesë ministra të rinj në postet e tyre.
Mosha mesatare e qeverisë është 46.9 vjeç. Shumica e ministrave kanë arsim të fortë akademik, me studime në universitetet kryesore shqiptare dhe specializime në vende si Harvard, Oxford e Cambridge.
Në 12 vjet, Shqipëria ka pasur 65 ministra unikë dhe mbi 100 emërime, ku Ministria e Arsimit dhe ajo e Brendshme kanë pasur më shumë ndryshime.
Ndërsa zëvendëskryeministrat kanë ndryshuar katër herë gjatë katër mandateve.
