Shqipëria është zgjuar nga moti i keq me reshje dhe stuhi duke shkaktuar probleme në disa qytete. Reshjet e dendura të shiut kanë shkaktuar përmbytjen e disa rrugëve dhe lagjeve të qytetit të Vlorës.
Më të prekura kanë qenë lagjja “Pavarësia 3”, zona “Albano dhe Romina” si dhe zona pranë stadiumit “Flamurtari”, Bulevardi Kryesor dhe rruga “Gjergj Arianiti”. Nën ujë kanë mbetur edhe disa lagje të tjera, si “28 Nëntori”, “Pavarësia” dhe “Kushtrimi”.
Gjithashtu në Durrës rruga që të çon drejt Stadiumit “Niko Dovana”, aksi drejt Currilave, rreth-rrotullimi i Shkozetit dhe ai i Plepave, janë disa nga zonat që janë zgjuar nën ujë.
