Sekretari amerikan i Shtetit, Marco Rubio, mbërriti në Izrael për të diskutuar situatën në Gaza pas sulmit izraelit ndaj anëtarëve të Hamasit në Katar, një veprim që ka shkaktuar reagime ndërkombëtare.
Rubio tha se Presidenti Trump ishte i pakënaqur me këtë sulm, por theksoi se marrëdhënia SHBA-Izrael mbetet e fortë.
Sulmi izraelit erdhi ndërsa Hamas ishte në Katar për negociata armëpushimi me SHBA-në. Ndërkohë, forcat izraelite vazhdojnë operacionet në Gaza, duke detyruar mijëra banorë të largohen përpara një ofensive tokësore.
Katar do të presë një samit arabo-islamik për të diskutuar zhvillimet e fundit, ndërsa Netanyahu mbrojti sulmin si një masë të domosdoshme kundër Hamasit. Aktualisht, rreth 48 pengje izraelitë mbahen nga Hamas në Gaza.
