Greqia po kalon një krizë të thellë blegtorie, për shkak të shpërthimit të lisë së dhenve dhe dhive dhe murtajës.
Vetëm në 12 muajt e fundit, janë therur mbi 300 mijë krerë bagëti të imta, duke shkaktuar humbje masive dhe rrezikuar prodhimin e qumështit dhe djathit me feta.
Autoritetet kanë vendosur karantinë në rajone të rëndësishme, ndërsa fermerët kërkojnë mbështetje ekonomike dhe kompensim për kafshët e humbura.
Mungesa e vaksinimit dhe kontrolleve ka ndikuar në përhapjen e sëmundjeve, duke e bërë të vështirë rikthimin në normalitet.
Nëse nuk ndërmerren masa urgjente, fermerët paralajmërojnë për protesta masive dhe një kërcënim të drejtpërdrejtë për të ardhmen e blegtorisë greke.
