Kryetari i Kuvendit Niko Peleshi zhvilloi sot një takim me krerët e grupeve parlamentare për të diskutuar formimin e organeve të reja të parlamentit, përfshirë Byronë e Kuvendit delegacionet dhe Këshillin për Mandatet dhe Rregulloren.
Peleshi prezantoi një draft për ndryshimin e Rregullores, që do të hapë rrugë për ristrukturimin e komisioneve parlamentare sipas propozimit të kryeministrit Edi Rama.
Plani i mazhorancës parashikon që të martën të ngritet Këshilli i Mandateve dhe të miratohet rregullorja e re, së bashku me përbërjen e re të komisioneve.
Partia Socialiste do të drejtojë 7 komisione, ndërsa opozita vetëm 4, duke u përjashtuar nga Komisioni për Integrimin Evropian.
Ndryshimet do të kalojnë me shumicë të thjeshtë, pasi mazhoranca ka votat e nevojshme.
Pas riorganizimit, Kuvendi do të zhvillojë një debat dy-ditor për programin e qeverisë dhe kabinetin e ri “Rama 4”.
