Sot, në orën 10:00, Kuvendi do të votojë për kërkesën e SPAK për dhënien e autorizimit për arrestimin e deputetes socialiste Belinda Balluku, e hetuar për pabarazi në tenderë. Kërkesa ka mbetur në Kuvend që nga 16 dhjetori i vitit të kaluar, dhe sot do të merret një vendim për fatin e saj.
Partia Socialiste kundërshton heqjen e imunitetit dhe arrestimin, duke theksuar se, pavarësisht se Balluku është shkarkuar nga detyra si ministre, ajo nuk mund të prishë provat apo të arratiset.
Socialistët argumentojnë se hetimi mund të vazhdojë pa nevojën e masës së arrestit. Ndërkohë, Partia Demokratike insiston se heqja e imunitetit është e domosdoshme, pasi pavarësisht shkarkimit nga detyra, Balluku mund të ndikojë tek dëshmitarët dhe të prishë provat.
Protesta e demokratëve para Kuvendit është planifikuar të zhvillohet gjatë seancës plenare, ndërsa PS do të zhvillojë një mbledhje grupi për të diskutuar qëndrimin e saj për këtë çështje. Në rendin e ditës të seancës janë dhe disa emërime të tjera, përfshirë ato të Elisa Spiropalit dhe Pirro Vengut në komisionet parlamentare përkatëse.
