Dy të rinj kanë mbajtur peng për disa orë 56-vjeçarin Përparim Mehmetin në Tiranë. Dy të rinjtë E.Z dhe E.N, të dy 28 vjeç janë shpallur në kërkim nga policia pasi kanë mbajt peng 56-vjeçarin për shkak të një konflikti me djalin e tij.
56-vjeçari ka dëshmuar se dy të rinjtë janë prezantuar si shokët e djalit të tij dhe e kanë ftuar për kafe. Më pas ata e kanë mbajtur peng për disa orë dhe e kanë dërguar me taksi për në banesë.
“Dy persona më ndaluan në rrugë dhe më thanë hajde se do pimë kafe. Nuk i njihja asnjërin prej tyre por kur më thanë se ishin miq të djalit tim shkova. Më pas më mbajtën për disa orë në një lokal duke ngrënë e duke pirë dhe më kërkuan që t’u jepja atë se çfarë djali im, që jeton jashtë vendit, ua kishte borxh atyre. Më pas më porositën dhe taksi për t’u larguar. Nuk më dhunuan”, u shpreh 56-vjeçari.
