Presidenti ukrainas, Volodymyr Zelensky, ka deklaruar se goditjet me dronë ndaj industrisë së naftës në Rusi janë ndër mjetet më efikase për të ndalur agresionin rus.
Sipas tij, këto sulme kanë dëmtuar rëndë rafineritë dhe depot e naftës, duke ndikuar drejtpërdrejt në kapacitetin ushtarak të Kremlinit.
“Sanksionet që funksionojnë më shpejt janë zjarret në rafineritë dhe depot e naftës në Rusi. Këto sulme po e kufizojnë ndjeshëm luftën e tyre,” u shpreh Zelensky në një deklaratë publike.
Ai theksoi gjithashtu gatishmërinë e Ukrainës për të ndarë përvojën e saj me vendet e NATO-s në fushën e mbrojtjes kundër dronëve rusë, duke përmendur se Ukraina ka zhvilluar “zgjidhje dukshëm më efektive nga ana e kostos”, krahasuar me sistemet tradicionale të aleatëve.
